Віншуем з перамогай!

18 красавіка 2026 года ў Гомелі адбыўся рэгіянальны этап рэспубліканскага турніру па робататэхніцы "ROBOQUEST-Індустрыя 4.0".

ROBOQUEST - гэта 21 найскладанейшая кампетэнцыя, дзе каля 400 юных геніяў з усёй Гомельскай вобласці прынялі ўдзел і змагаліся за званне лепшага.

Нашы робаты ў ліку пераможцаў! Навучэнцы ДУА «Цэнтр творчасці дзяцей і моладзі г.Светлагорска «Юны ЭкаТэхнік» пакарылі рэгіянальны этап у Гомелі!

Ззаду засталіся гадзіны зборкі, праграмавання і хвалюючых заездаў, а ў руках у нашых рабят - заслужаныя ўзнагароды! Вінаградаў Уладзіслаў і Мігай Глеб былі ўзнагароджаны дыпломамі I ступені. Віншуем пераможцаў! Вялікая падзяка педагогам і бацькам! Жадаем творчых поспехаў і перамог!